‘तुळजाभवानी’च्या विद्यार्थ्यांचे स्पर्धेत यश

लातूर, दि.२७- शहरातील संत ज्ञानेश्‍वरनगरातील तुळजाभवानी प्राथमिक व माध्यमिक विद्यालयातील विद्यार्थ्यांनी विविध स्पर्धांमध्ये घवघवीत यश संपादन केले. याबद्दल त्यांचे संस्थेच्यावतीने कौतुक करण्यात आले.
अध्यक्षस्थानी राजमाता जिजामाता शैक्षणिक संकुलाचे सचिव प्राचार्य डी. एन. केंद्रे होते. यावेळी प्रमुख पाहुणे म्हणून अंबिका बहुउद्देशिय महिला मंडळाच्या अध्यक्षा के. ए. जायेभाये, तुळजाभवानी प्राथमिक विद्यालयाच्या मुख्याध्यापिका स्वाती केंद्रे, तुळजाभवानी माध्यमिक व उच्च माध्यमिक विद्यालयाचे प्राचार्य जी. आर. मुंडे यांची प्रमुख उपस्थिती होती.
नुकत्याच झालेल्या जिल्हास्तरीय शालेय कराटे क्रीडा स्पर्धेत १४ वर्षे वयोगटात (४६ किलो वजन गट) तुळजाभवानी विद्यालयाची इयत्ता ९वीची विद्यार्थिनी अदिती बालाजी राठोड हिने जिल्ह्यात प्रथम क्रमांक पटकावला. तिची नांदेड येथे होणार्‍या विभागीय स्पर्धेसाठी निवड झाली आहे. या विद्यालयाच्या इयत्ता दहावीतील आदित्य बालाजी राठोड याने १७ वर्षे वयोगटात (५४ किलो वजन गट) जिल्ह्यात द्वितीय क्रमांक पटकावला. तसेच महाराष्ट्र कामगार कल्याण मंडळाच्या गटस्तरीय बाल नाट्य महोत्सवात उत्कृष्ट स्त्री अभिनयात अंकिता तानाजी देवकते हिला ‘लेक वाचवा’ या विषयावरील नाट्यात धनादेश व प्रमाणपत्र मिळाले. तसेच विज्ञान प्रदर्शनात प्रिया नीळकंठ चव्हाण हिच्यासह अन्य विद्यार्थ्यांना सहभागी प्रमाणपत्र देण्यात आले. याबद्दल या विद्यार्थ्यांचे संस्थेतर्फे कौतुक करण्यात आले. सूत्रसंचालन एस. बी. शिंदे यांनी केले तर आभार व्ही. व्ही. लोहारे यांनी मानले.