रुग्ण हक्क संरक्षण समिती महाराष्ट्राच्या अध्यक्षा रेणुका बोरा यांनी केला एमआयडीसी परिसरात नातीचा वाढदिवस रोपटे लावून साजरा

लातूर - रुग्ण हक्क संरक्षण समिती महाराष्ट्र राज्य महिला प्रदेश अध्यक्ष रेणुकाताई बोरा यांनी आपल्या नातीचा पहिला कसलाही गाजावाजा किंवा खर्च न करता वाढदिवस एमआयडीसी परिसरामध्ये मध्ये रोपटे लावून साजरा करून समाजासमोर एक आगळावेगळा आदर्श ठेवला आहे.

ग्रीन लातूर वृक्ष च्या सदस्या आशा आयाचित व रुग्णहक्क संरक्षण समिती महाराष्ट्र राज्यच्या महिला अध्यक्ष रेणुका बोरा यांची नात कु. किमया नितीन माने हिचा गुरुवारी पहिला वाढदिवस होता. दरम्यान या वाढदिवसाला कसलाही खर्च न करता व गाजावाजा न करता

वाढदिवसानिमित्ताने त्यांनी तिचा वाढदिवस लातूरच्या एमआयडीसी परिसरात रोपटे लावून साजरा केला व उपस्थित सदस्यांना फुल झाडे भेट दिली.

प्रत्येकाने आयुष्यात एक झाड लावलं आणि वाढवलं तर जगातील पर्यावरणाचे अर्धेअधिक प्रश्न सुटतील. अशी शेकडो झाडं लावून ती वाढवतात म्हणून पर्यावरण अजूनही समतोल राखून आहे. ज्या दिवशी असे लोक पर्यावरणाकडे दुर्लक्ष करतील तेव्हा पृथ्वीचा विनाश अटळ असेल. म्हणूनच, जर शक्य असेल तर आपल्या परिसरात एक तरी झाड लावा अन् त्याचा सांभाळ करा असे आवाहन कु. किमयाची आई ऐश्वर्या माने, आजी रेणुका बोरा, आशा अयाचीत, किमयाची मावशी सुष्मिता बोरा यांनी केले.

वाढदिवसानिमित्त झाड लावण्याच्या या स्तुत्य उपक्रमाबद्दल ग्रीन लातूर वृक्ष फाउंडेशनच्यावतीने आई, आजी यांचा सत्कार करण्यात आला.