मुलीला शिक्षणासाठी प्रेरणा देणे हीच खऱ्या अर्थाने सावित्री मातेला आदरांजली ठरेल.

लातूर -भारतामध्ये मुलींसाठी पहिली शाळा चालवणारी शिक्षिका माता सावित्री यांचा संपूर्ण देश आदराने सन्मान करतो, ती स्त्री नसती तर आज देशांमध्ये स्त्रियांना शिक्षणाची संधी उपलब्ध झाली नसती. आज स्त्रिया ज्या पद्धतीने सर्व क्षेत्रांमध्ये प्रगती करत आहेत या सर्वांच्या मागे माता-सावित्रीचेच कार्य आणि त्यागाची भूमिका आहे. कलापंढरी सामाजिक संस्थेने बालविवाह प्रतिबंधक कार्यक्रम चालवून मुलींना उच्च शिक्षणासाठी प्रेरणा देण्याचे जे अभियान चालू केली आहे, खऱ्या अर्थाने हे सावित्री मातेला त्यांच्या जन्मदिनी आदरांजली आहे. असे उद्धगार अंनिसचे राज्य कार्यकारणी सदस्य तथा पानगाव ग्राम बाल संरक्षण समितीचे सदस्य श्री बाबा हलकुडे यांनी ३ जानेवारी सावित्रीबाई फुले यांच्या जन्मदिनी कलापंढरी संस्थेच्या वतीने आयोजित करण्यात आलेल्या बालविवाह प्रतिबंध व उच्च शिक्षणासाठी प्रेरणा या कार्यक्रमामध्ये प्रशिक्षक म्हणून उपस्थितांना मार्गदर्शन करताना गौरव उद्गार काढले.
लातूर येथे जिल्हास्तरीय बाल संरक्षण यंत्रणा प्रतिनिधी व गाव स्तरीय बाल संरक्षण यंत्रणा प्रतिनिधी यांच्या योग्य समन्वय प्रक्रियेसाठी संस्था अध्यक्ष श्री बीपी सूर्यवंशी यांच्या मार्गदर्शनाखाली हा कार्यक्रम आयोजित करण्यात आला होता.या वेळी प्रशिक्षक म्हणून बाल न्याय मंडळाच्या सदस्य छायाताई मलावडे, बाल कल्याण समितीचे सदस्य श्री प्रणील नागोरे यांची प्रमुख उपस्थिती होती. बालकांच्या हितासाठी बाल न्याय मंडळ व बालकल्याण समिती कोणत्या पद्धतीचे कार्य करते यासंबंधीची सविस्तर मांडणी करण्यात आली,याचबरोबर गाव पातळीवर समन्वय प्रक्रिया कशी सक्षम करायची याचीही माहिती देण्यात आली.
पुढे बोलताना बाबा हलकुडे म्हणाले की, बालकांच्या संरक्षण प्रक्रिया मजबूत करण्यासाठी आणि गाव स्तरावरच बालक स्वतः त्यांचे पालक व गाव स्तरीय बाल संरक्षण यंत्रणा यांनी समन्वय आणि सहकार्य योग्य केल्यास बाल न्याय मंडळ व बालकल्याण समिती यांना त्यांची कार्य भूमिका सक्षमपणे पार पडण्यासाठी मदत होईल व संपूर्ण जिल्ह्यामध्ये बाल स्नेही वातावरण निर्माण होईल,आसेही प्रतिपादन केले.
कार्यक्रमाचे प्रस्तिविक श्री कुणाल जोशी यांनी मांडले तर आभार प्रदर्शन जयवंत जंगापल्ले यांनी केले. कार्यक्रम यशस्वीतेसाठी शिवदर्शन सदाकाळे. मधुकर गालफाडे, हेमाताई येलमटे, वंदनाताई कांबळे, नम्रताताई राजपंजे आदींनी परीश्रम घेतले. या वेळी लातूर जिल्ह्यातील विविध गावातून बाल संरक्षण समिती, ग्रामपंचायत सदस्य व गाव स्तरीय सामाजीक कार्यकर्ते यांची उपस्थिती होती.