महिला दिनामुळे स्त्रियांचे प्रश्न आधारित झाले

बाभळगाव : " आंतरराष्ट्रीय महिला दिन हा महिलांच्या सामाजिक, आर्थिक आणि राजकीय कामगिरीचे स्मरण करण्यासाठी जागतिक स्तरावर साजरा केला जातो. यातून महिलांच्या समानतेला गती मिळते. संयुक्त राष्ट्र संघाने या दिवसाला प्रोत्साहन दिले आहे. त्यांच्याकडून दरवर्षी थीम निवडून वर्षभर विविध उपक्रम राबविले जातात. त्यामुळे स्त्रियांचे प्रश्न अधोरेखित होतात. " असे प्रतिपादन डॉ. जयदेवी पवार यांनी केले.

दयानंद शिक्षण प्रसारक मंडळ, बाभळगाव संचलित कै. व्यंकटराव देशमुख महाविद्यालय, बाभळगाव येथे राष्ट्रीय सेवा योजना आणि ग्रंथालय विभागाच्या वतीने आंतरराष्ट्रीय महिला दिनाच्या निमित्ताने आयोजित कार्यक्रमांमध्ये डॉ. जयदेवी पवार प्रमुख पाहुणे म्हणून बोलत होत्या. कार्यक्रमाच्या अध्यक्षस्थानी महाविद्यालयाचे प्राचार्य डॉ.दुष्यंत कटारे होते.

अध्यक्षस्थानावरून बोलताना प्राचार्य डॉ .कटारे म्हणाले,"आशियाई देशांमध्ये हा दिवस मातृ दिन म्हणून साजरा केला जातो. आपल्या मातेचा, बहिणीचा आणि तमाम स्त्री वर्गाचा सन्मान करण्याचा हा दिवस आहे. महिलांनी स्वतःला आबला न समजता आपल्या स्त्रीत्वाचा अभिमान बाळकला पाहिजे. महिलांच्या शिक्षणासोबत सुरक्षितता ही महत्त्वाची आहे. आजच्या दिनी आपण महिलांच्या कामगिरीचा उत्सव साजरा केला पाहिजे."

कार्यक्रमाच्या प्रारंभी सावित्रीबाई फुले यांच्या प्रतिमेस पाहुण्यांच्या हस्ते पुष्पहार अर्पण करण्यात आला. कार्यक्रमाचे प्रास्ताविक आणि सूत्रसंचालन रासेयो कार्यक्रमाधिकारी डॉ.दशरथ भिसे यांनी केले. कार्यक्रमाला डॉ. नरेंद्र देशमुख, डॉ. शाहूराज मुळे, डॉ. मा.ना. गायकवाड, डॉ. अंगद कोते, डॉ. अभिजीत बादाडे, डॉ. पांडुरंग मुंढे, प्रकाश मेहरकर, प्रा. संदिपान चेवले, प्रा. महारुद्र बिडवे, प्रा.संतोष कल्याणकर, श्री.सगर, विद्यार्थी प्रतिनिधी ओंकार सुरवसे शेवटी कार्यक्रमाचे आभार प्रदर्शन ग्रंथपाल डॉ. महावीर कटके यांनी मांडले. कार्यक्रमाला महाविद्यालयातील प्राध्यापक, विद्यार्थी, शिक्षकेत्तर कर्मचारी मोठ्या संख्येने उपस्थित होते.