दयानंद कला मध्ये ऑनस्क्रीन मूल्यांकन कार्यशाळा संपन्न :

लातूर : दि. 08 स्वामी रामानंद तीर्थ मराठवाडा विद्यापीठाचे कुलगुरु आणि प्र.कुलगुरु यांच्या मार्गदर्शनाखाली परीक्षेच्या उत्तरपुस्तिकांचे ऑनस्क्रीन मूल्यांकन सुरु केलेले असून विद्यापीठाच्या कॉमर्स, बीसीए, बीसीएस, एज्युकेशन, फार्मसी आणि विधी या अभ्यासक्रमाच्या पदवी व पदव्युत्तर वर्गाच्या उत्तरपुस्तिकांचे ऑनस्क्रीन मूल्यांकन गत दोन वर्षापासून सूरु करण्यात आले आहे. बी.ए. आणि बी.एस.सी. अभ्यासक्रमाच्या उत्तरपुस्तिकांचे ऑनस्क्रीन पद्धतीने मूल्यांकन उन्हाळी 2025 च्या परीक्षेपासून सुरु करण्यात आले आहे.
बी.ए. आणि बी.एस.सी. या अभ्यासक्रमांना अद्यापन करणा-या प्राध्यापकांसाठी दयानंद कला महाविद्यालय, लातूर येथे आज एक दिवसीय Onscreen Paper Valuation कार्यशाळेचे आयोजन करण्यात आले होते. या कार्यशाळेच्या अध्यक्ष स्थानी प्रस्तुत विद्यापीठाच्या परीक्षा व मूल्यामापन मंडळाचे माजी संचालक तथा वर्तमान विशेष कार्यकारी अधिकारी डॉ. दिगंबर नेटके होते. उपस्थित प्राध्यापकांना मॅग्न्याटिक इन्फोटेक प्रा.लि. चे प्रकल्प समन्वयक श्री. रोहित पाटील, कोल्हापूर यांनी ऑनस्क्रीन मूल्यमापनाबाबत सविस्तर मार्गदर्शन केले. प्राध्यापकांनी उपस्थित केलेल्या अनेक प्रश्नांची त्यांनी समाधान कारक उत्तरे दिली. कार्यशाळेसाठी महाविद्यालयाचे प्राचार्य डॉ. शिवाजी गायकवाड, उपप्राचार्य डॉ. अंजली जोशी, सुशीलादेवी महिला महाविद्यालयाच्या प्राचार्या डॉ. अशा मुंडे, IQAC चे समन्वयक डॉ. संतोष पाटील यांची प्रमुख उपस्थिती होती. डॉ. अंकुशकुमार चव्हाण आणि प्रा. राजकुमार मोरे यांनी कार्यशाळेचे आयोजन केले. डॉ. दिगंबर नेटके यांनी मुंबई, कोल्हापूर, औरंगाबाद, नांदेड येथील विद्यापीठामध्ये कार्यरत असतानाचे अनुभव कथन केले तसेच स्वा.रा.ती.म.विद्यापीठात कार्यरत असताना विद्यार्थी केंद्रबिंदू ठेऊन सर्वांनी कोणत्या बाबी केल्या पाहिजे याची स्पष्टता केली. उपस्थितांना प्राचार्य डॉ. शिवाजी गायकवाड यांनी विद्यापीठाच्या तत्परतेबद्दल आणि या नव्या उपक्रमाबद्दल मौलिक मार्गदर्शन केले. या कार्यशाळेचे प्रास्ताविक डॉ. अंकुशकुमार चव्हाण यांनी केले. कार्यक्रमाचे सूत्रसंचालन प्रा. राजकुमार मोरे यांनी केले तर आभार प्रा. अंगद भुरे यांनी मानले.