दयानंद कला महाविद्यालयात "केंद्रीय अर्थसंकल्प 2025 ठळक वैशिष्टे" कार्यक्रम संपन्न

लातूर : दि.07.02.24 रोजी दयानंद कला महाविद्यालय,लातूर लोकप्रशासन विभागाच्या वतीने "केंद्रीय अर्थसंकल्प-2025 ठळक वैशिष्ट्य" या विषयावरती तज्ञांचे मार्गदर्शन आयोजन करण्यात आले होते.यासाठी तज्ञ मार्गदर्शक म्हणून दयानंद वाणिज्य महाविद्यालयातील वाणिज्य विभाग प्रमुख प्रा.डॉ. मनीषा अष्टेकर या उपस्थित होत्या. कार्यक्रमाच्या अध्यक्षस्थानी महाविद्यालयाचे प्राचार्य प्रा.डॉ. शिवाजी गायकवाड हे उपस्थित होते.प्रमुख मार्गदर्शिका डॉ.मनीषा अष्टेकर यांनी विद्यार्थ्यांना प्रत्यक्ष आणि अप्रत्यक्ष कर याविषयी माहिती दिली. त्याबरोबरच त्यांनी केंद्रीय अर्थसंकल्प 2025 कर प्रणालीतील प्रमुख तरतुदी यामध्ये देशाच्या विकासाची इंजन असलेल्या कृषी क्षेत्रातील किसान क्रेडिट कार्ड, धनधान्य कृषी योजना, डाळीची सांस्कृतिक आत्मनिर्भरता, ग्रामीण विकासवृध्दी व लवचिकता निर्माण करण्या संदर्भातील महत्वपूर्ण बाबी व नव उद्योजकासाठीच्या योजना लोकसहभागातून विकसित भारत निर्माण भारताला आर्थिक क्षेत्रात सक्षम करण्यासाठी यावर्षीचा अर्थसंकल्प कसा योग्य ठरतो याबद्दल सविस्तर माहिती विद्यार्थ्यांना समजावून सांगितली.कार्यक्रमाचे प्रास्ताविक लोकप्रशासन विभागाचे विभाग प्रमुख प्रा.डॉ. रामेश्वर खंदारे केले. त्यांनी आपल्या प्रस्ताविकेत स्पर्धा परीक्षेमध्ये अर्थसंकल्पावरील प्रश्नांच्या बाबतीत विद्यार्थ्यांना मार्गदर्शन केले. तसेच अर्थसंकल्पाच्या विविध पैलूंची उकल त्यांनी या ठिकाणी केली तसेच विद्यार्थ्यांनी आनंदी व उत्साहपुर्ण जीवन जगावे आणि महाविद्यालयीन जीवनाचा आनंद घ्यावा असे सांगितले.याप्रसंगी प्रा.चैतन्य शिंदे, प्रा.स्फूर्ती समुद्रे व प्रा.अश्विनी धायगुडे व मोठ्या संख्येने विद्यार्थी उपस्थित होते. या कार्यक्रमाचे सूत्रसंचालन प्रा. अश्विनी धायगुडे यांनी केले तर कार्यक्रमाचे आभार कु. दीपिका यादव या विद्यार्थिनी व्यक्त केले. याकार्यक्रमाची सांगता राष्ट्रगीताने करण्यात आली. अशा अभिनव उपक्रमाला विद्यार्थ्यांची मोठ्या संख्येने उपस्थिती होती.