पक्षी :त्यांचे जग आणि अस्तित्व ' या विषयावर दयानंद विज्ञानमध्ये कार्यशाळा

लातूर : प्राणीशास्त्र विभागाच्या वतीने "पक्षी: त्यांचे जग आणि अस्तित्व" या विषयावर एक दिवसीय कार्यशाळा आयोजित करण्यात आली होती.या कार्यशाळेत पक्ष्यांच्या जैवविविधतेबरोबरच त्यांचे पर्यावरणीय महत्त्व,संवर्धन आणि अस्तित्वाच्या आव्हानांवर सखोल चर्चा करण्यात आली.कार्यशाळेच्या अध्यक्षस्थानी महाविद्यालयाचे प्राचार्य डॉ.सिद्धेश्वर बेल्लाळे होते.प्रमुख पाहुणे म्हणून सामाक्षी तिवारी व शुभम गिरी उपस्थित होते.प्रास्ताविक विभाग प्रमुख डॉ.आर.व्ही.सोळुंके यांनी केले.

पहिल्या सत्रात सामाक्षी तिवारी यांनी पक्ष्यांच्या अधिवासातील बदल आणि जैवविविधतेवरील परिणाम या विषयावर सखोल असे मार्गदर्शन केले तर दुसऱ्या सत्रात शुभम गिरी यांनी पक्षीनिरीक्षण तंत्र आणि स्थानिक सहभागाचे महत्त्व यावर सखोल चर्चा केली.यानंतर प्राचार्य डॉ.सिद्धेश्वर बेल्लाळे यांनी अध्यक्षीय समारोप करताना त्यांनी पक्ष्यांचे संवर्धन, पर्यावरणीय समतोल आणि युवकांच्या सहभागाबद्दल महत्त्वपूर्ण विचार मांडले.त्यांनी पक्षीनिरीक्षणाच्या वैज्ञानिक दृष्टिकोनावर भर दिला आणि अशा कार्यशाळा भविष्यात अधिक प्रमाणात आयोजित करण्याची गरज व्यक्त केली.

कार्यक्रमाचे सूत्रसंचालन प्रा.शिलेश गावित यांनी केले,तर आभार प्रदर्शन डॉ.अमोल ठोसर यांनी केले. यावेळी डॉ.आर.व्ही.कीर्तने,डॉ.सुरज कोल्हे, डॉ.स्वरूपा जाधव,प्रा.प्रतिका धरणे व प्रा.मनाली आगलावे तसेच बालाजी चित्ते,गोविंद सांगवे, संजय पांडे आणि इतर पक्षीप्रेमी उपस्थित होते.या उपक्रमामुळे विद्यार्थ्यांमध्ये पक्षी निरीक्षण आणि संवर्धनाबद्दल जागरूकता निर्माण झाली असून,भविष्यात अशा उपक्रमांची गरज असल्याचे तज्ज्ञांनी नमूद केले.