राज्यपालांनी घेतली बेळंबे कुटुंबियांची भेट

लातूर ः राजस्थानचे राज्यपाल हरिभाऊ बागडे (नाना) हे लातूर येथे अखिल भारतीय विद्यार्थी परिषदेच्या अधिवेशन उद्‌घाटनासाठी लातुरात आले होते. या वेळी येथील राष्ट्रीय स्वयंसेवक संघाचे ज्येष्ठ स्वयंसेवक वसंतराव बेळंबे व सौ. आशाताई बेळंबे यांची भेट घेऊन आस्थेवाईकपणे चौकशी केली. तसेच बेळंबे कुटुंबियांनी संघ कार्याच्या केलेल्या कामाला यानिमित्ताने चर्चेत आला. राष्ट्रीय स्वयंसेवक संघाच्या वनवासी कल्याण आश्रम, कनासी (जि. नाशिक) येथे दोघांचाही सक्रीय सहभाग होता. या कार्याबद्दल महामहीम राज्यपाल हरिभाऊ बागडे यांच्या हस्ते गौरव करण्यात आला.
या वेळी उद्योजक सुबोध बेळंबे, भाजपा महिला शहर जिल्हा उपाध्यक्षा सौ. रश्मी बेळंबे, सुहास बेळंबे, संकेत बेळंबे व डॉ. ऐश्वर्या बेळंबे आदींची उपस्थिती होती. मागील काळात भाजपच्या जिल्हाध्यक्षपदी बाळासाहेब बेळंबे यांचे कार्य यानिमित्ताने महामहीम राज्यपाल यांनी अधोरेखित केले. स्व. बाळासाहेब बेळंबे यांनी भाजपच्या वाढीसाठी केलेल्या कार्याचा गौरवही त्यांनी या वेळी केला. तसेच बेळंबे कुुटंबियांचा राष्ट्रीय स्वयंसेवक संघाच्या कार्यात मोठा हातभार असल्याचे सांगितले व ज्येष्ठ स्वयंसेवक वसंतराव उर्फ बापू यांना भेटून आपल्याला आनंद झाल्याचेही या वेळी त्यांनी सांगितले.