महात्मा बसवेश्वर महाविद्यालयात राष्ट्रपती पोलीस पदक सन्मानित माजी विद्यार्थी सय्यद रहेमान यांचा सत्कार संपन्न

लातूर दि. १६ जानेवारी
श्री महात्मा बसवेश्वर शिक्षण संस्था, लातूर द्वारा संचलित महात्मा बसवेश्वर महाविद्यालयातील माजी विद्यार्थी राष्ट्रपती पोलीस पदक सन्मानित सय्यद रहेमान यांचा महाविद्यालयाचे प्राचार्य डॉ. संजय गवई यांनी नुकताच सत्कार केला यावेळी कार्यालय प्रमुख नामदेव बेंदरगे यांची उपस्थिती होती.
माजी विद्यार्थी सय्यद रहेमान सन १९८१-८२ यावर्षी या कला शाखेमध्ये त्यांनी शिक्षण घेतले असून पोलीस अधीक्षक कार्यालय, लातूर येथे त्यांनी सहाय्यक पोलीस सब इन्स्पेक्टर म्हणून कार्य केले आहे. त्यांचा सन २०१५ मध्ये पोलीस महासंचालक, महाराष्ट्र राज्य, मुंबई यांनी सन्मानचिन्ह देऊन गौरविले. तसेच २०१८ साली त्यांना लातूर भूषण पुरस्कार सुद्धा प्राप्त झाला आहे. सन २०१९ रोजी न्यायमूर्ती श्रीमती रंजना देसाई, सर्वोच्च न्यायालय, नवी दिल्ली यांच्या हस्ते राष्ट्रीय न्याय गौरव पुरस्कार सुद्धा त्यांना मिळालेला आहे. क्रांतीज्योती सावित्रीबाई फुले राज्यस्तरीय पुरस्काराने २०२४ मध्ये ते सन्मानित झाले आहे. त्यांनी आतापर्यंत विविध शाळा आणि महाविद्यालयात एन. एस. एस., एन. सि. सी. शिबिरामध्ये व्यक्तिमत्व विकासावर मार्गदर्शन सुद्धा केले आहेत.
त्यांच्या या उज्वल परंपरेसाठी त्यांचा महाविद्यालयात सत्कार करण्यात आला व पुढील वाटचालीसाठी हार्दिक शुभेच्छा देण्यात आल्या.