मी जिजाऊ बोलतेय' एकांकिका रंगली!

नांदेड - राजमाता जिजाऊ जयंतीनिमित्त आयोजित कार्यक्रमात 'मी जिजाऊ बोलतेय' ही एकांकिका सादर करुन जिजाऊंच्या वेषातील मुलींनी उपस्थितांची मने जिंकली. यात जवळा देशमुख येथील जिल्हा परिषदेच्या प्राथमिक शाळेच्या , तेजल शिखरे, अक्षरा शिखरे आणि किरण कदम या विद्यार्थिनींनी जिजाऊंच्या वेषात आपापल्या एकांकिकेचे सादरीकरण केले. तसेच जिजाऊ प्रतिमेचे सन्मान चिन्ह देऊन या विद्यार्थीनींचा सत्कार करण्यात आला. यावेळी माजी सरपंच साहेबराव शिखरे, शालेय व्यवस्थापन समिती अध्यक्ष किशनराव गच्चे, मुख्याध्यापक गंगाधर ढवळे, विषय शिक्षक उमाकांत बेंबडे, सहशिक्षक संतोष घटकार, हरिदास पांचाळ, पांडुरंग गच्चे, हैदर शेख, ग्रा. प. कर्मचारी मारोती चक्रधर, मनिषा गच्चे, मंचक पाटील आदी मान्यवर उपस्थित होते.

राष्ट्रमाता राजमाता जिजाऊ आऊसाहेब तसेच स्वामी विवेकानंद जयंतीनिमित्त जवळा देशमुख येथील जिल्हा परिषदेच्या प्राथमिक शाळेत आणि ग्राम पंचायत कार्यालयातही जयंती कार्यक्रम आयोजित करण्यात आला होता. प्रतिमांचे पुष्प व धूप पूजन करून अभिवादन करण्यात आले. यावेळी मुख्याध्यापक गंगाधर ढवळे यांनी विद्यार्थ्यांना मार्गदर्शन केले. यावेळी बोलतांना जवळा देशमुख येथील जिल्हा परिषदेच्या प्राथमिक शाळेचे मुख्याध्यापक ढवळे म्हणाले की, मराठी स्वराज्याची जननी राष्ट्रमाता राजमाता जिजाऊ यांनी छत्रपती शिवाजी महाराज मावळ्यांच्या माध्यमातून मराठी साम्राज्याची मुहूर्तमेढ रोवली. मराठी माणसाचे स्वराज्य निर्माण केले आणि त्याला योग्य आकार दिला. रयतेला सुखी केले. एका नव्या शिवयुगाची निर्मिती केली.

दरम्यान, ज्ञानवी पांचाळ, आकांक्षा गोडबोले, अपेक्षा गोडबोले, प्रणिता गोडबोले, शिवानी शिखरे, वैभवी शिखरे, अनन्या टिमके, मयुरी गोडबोले, सोनल गोडबोले

यांनी जयंतीनिमित्त मनोगत व्यक्त केले. तसेच विविध वृत्तपत्रातून प्रकाशित झालेल्या लेखांचे पुनर्प्रकाशन करुन विद्यार्थ्यांना वाचनासाठी उपलब्ध करून देण्यात आले. सर्व विद्यार्थी विद्यार्थिनींनी राजमाता जिजाऊ यांच्याप्रती कृतज्ञता व्यक्त केली. शिक्षकांनी स्वामी विवेकानंद यांच्या वैचारिक तत्वज्ञानावर प्रकाश टाकला. सूत्रसंचालन कल्याणी शिखरे हिने तर आभार सिद्धी शिखरे हिने मानले. यावेळी शाळेतील विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी शालेय बाल सभेच्या पदाधिकाऱ्यांनी परिश्रम घेतले.