दयानंद विज्ञानमध्ये एमएनसी नोकरीची तयारी आणि करिअर मार्गदर्शन

लातूर : येथील दयानंद शिक्षण संस्था संचलित,दयानंद विज्ञान महाविद्यालयातील सेट-नेट सेल,प्लेसमेंट सेल आणि माजी विद्यार्थी असोसिएशन यांच्या वतीने दि.०७ फेब्रुवारी २०२५ रोजी ' एमएनसी नोकरीची तयारी आणि करिअर मार्गदर्शन ' या विषयावर महाविद्यालयाचे प्र.प्राचार्य डॉ.सिद्धेश्वर बेल्लाळे यांच्या मार्गदर्शनाखाली अतिथी व्याख्यानाचे आयोजन करण्यात आलेले होते.या व्याख्यान कार्यक्रमाच्या अध्यक्षस्थानी रसायनशास्त्र विभाग प्रमुख व माजी विद्यार्थी असोसिएशनचे समन्वयक डॉ.युवराज सारणीकर होते.याप्रसंगी प्रमुख पाहुणे म्हणून फुजित्सू कन्सल्टिंग इंडिया प्रा.लि.चे सर्व्हिस डिलिव्हर मॅनेजर अमित औटी,प्लेसमेंट सेल समन्वयक व संगणकशास्त्र विभाग प्रमुख डॉ.रोहिणी शिंदे,नेट-सेट सेल समन्वयक व इलेक्ट्रॉनिक्स विभाग प्रमुख डॉ.टी.एच.मुजावर,संगणकशास्त्र विभाग समन्वयक डॉ.संगीता जाजू,प्लेसमेंट सदस्य प्रा.सुजाता काळे यांची प्रमुख उपस्थिती होती.

यावेळेस साधन व्यक्ती अमित औटी यांनी विद्यार्थ्यांना कॅम्पस मुलाखतीसाठी बायोडाटा कसा तयार करावा,मुलाखतीची पूर्वतयारी कशी करावी आणि मुलाखतीला सामोरे कसे जायचे याविषयी सखोल असे मार्गदर्शन केले तर अध्यक्षीय समारोप करताना डॉ.युवराज सारणीकर यांनी स्पर्धेच्या युगात विद्यार्थ्यांनी मुलाखतीची योग्य तयारी करून करिअर घडवावे असे सांगितले.

प्रास्ताविक डॉ.रोहिणी शिंदे यांनी केले तर आभार डॉ.टी.एच.मुजावर यांनी मानले.सूत्रसंचालन अनुपमा जाधव यांनी केले.याप्रसंगी संगणकशास्त्र विभाग व महाविद्यालयातील प्राध्यापक,शिक्षकेत्तर कर्मचारी व विद्यार्थी बहुसंख्येने उपस्थित होते.