लातूर ग्रामीण मतदारसंघातील विकास कामाबाबत पालकमंत्री भोसले यांच्याशी राजेश कराड यांची चर्चा

लातूर दि.२८- राज्याचे सार्वजनिक बांधकाम मंत्री तथा लातूर जिल्ह्याचे पालकमंत्री ना. शिवेंद्रसिंह राजे भोसले यांचे लातूर ग्रामीण विधानसभा मतदार संघाच्या वतीने श्री पांडुरंगाची मूर्ती व भगवत गीता ग्रंथ भेट देऊन भाजपा नेते राजेश कराड यांच्या हस्ते यथोचित सत्कार करून स्वागत करण्यात आले.

लातूर येथील शासकीय विश्रामगृह येथे झालेल्या कार्यक्रमात पालकमंत्री ना. शिवेंद्रसिंह राजे भोसले आणि भाजपा नेते राजेश कराड यांच्यात लातूर ग्रामीण विधानसभा मतदार संघातील विविध विकास कामाबाबत सविस्तर चर्चा झाली. लातूर ग्रामीणचे आमदार रमेशआप्पा कराड हे गेल्या काही दिवसापासून डोळ्याच्या आजारामुळे बाहेर पडू शकले नाही त्यामुळे त्यांच्या प्रकृतीची पालकमंत्री शिवेंद्रराजे भोसले यांनी आस्थेवाईकपणे चौकशी करून राजेश कराड यांच्याकडून माहिती घेतली.

यावेळी राजेश कराड यांच्यासमवेत भाजपा किसान मोर्चाचे प्रदेश उपाध्यक्ष विक्रमकाका शिंदे, प्रदीप पाटील खंडापूरकर, ओबीसी मोर्चाचे प्रदेश उपाध्यक्ष भागवत सोट, पंचायत राज सेलचे जिल्हा संयोजक नवनाथ भोसले, लातूर तालुका अध्यक्ष बन्सी भिसे, रेणापूर तालुका अध्यक्ष दशरथ सरवदे, संजय गांधी निराधार योजनेचे लातूर तालुका अध्यक्ष वैभव सापसोड, रेणापूर तालुका अध्यक्ष वसंत करमोडे यांच्यासह सतीश आंबेकर, डॉ बाबासाहेब घुले, अनंत चव्हाण, श्याम वाघमारे, संभाजी वायाळ, भैरवनाथ पिसाळ, श्रीकृष्ण जाधव, शरद दरेकर, विजय मलवाडे, प्रताप पाटील, धनराज शिंदे, आदिनाथ मुळे, सुकेश भंडारे, गणेश तुरुप, अमित रोडे, सुरेश पाटील, अशोक सावंत, भाऊसाहेब गुळविले, बाळासाहेब कदम, ओम चव्हाण, शंकर चव्हाण, शुभम खोसे, संतोष चव्हाण, संजय डोंगरे, राजकुमार मानमोडे, वैजनाथ लहाने, शिवाजी जाधव यांच्यासह लातूर ग्रामीण विधानसभा मतदारसंघातील भाजपाचे पदाधिकारी लोकप्रतिनिधी मोठ्या संख्येने उपस्थित होते.