खुंटेगाव येथे भारुडातून जनजागृती.

लातूर: 9 जानेवारी 2025
दयानंद कला महाविद्यालय,लातूर येथील राष्ट्रीय सेवा योजना विभागाचे निवासी वार्षिक शिबिर खुटेगाव येथे दिनांक 6 जानेवारी ते 12 जानेवारी 2025 दरम्यान आयोजित करण्यात आले आहे. या निवासी वार्षिक शिबिरात पाचव्या दिवशी खुंटेगाव येथे जनजागृतीसाठी एक विशेष भारुड कार्यक्रम आयोजित करण्यात आला. गंगुबाई जाधव व लक्ष्मी गिराम या दोन कलाकारांनी सामाजिक जागृतीसाठी प्रेरणादायक भारुड सादर केले.
या कार्यक्रमामध्ये पर्यावरण आरोग्य व महिला सक्षमीकरणासारख्या महत्त्वाच्या मुद्द्यांवर कलाकारांनी सशक्त संदेश दिला. त्यांनी त्यांच्या गोड गजरात विविध समस्यांवर भाष्य करत जनतेला जागरूक करण्याचा प्रयत्न केला. यावेळी महाविद्यालयातील काही स्वयंसेवकांनी त्यांची साथ दिली.
कार्यक्रमात प्रमुख पाहुणे म्हणून दयानंद कला महाविद्यालयाचे प्राचार्य डॉ. शिवाजी गायकवाड,उपप्राचार्य डॉ. दिलीप नागरगोजे, रा.से. यो विभागाचे मुख्य कार्यक्रमाधिकारी प्रा.डॉ. सुभाष कदम,डॉ. विलास कोमाटवाड प्रा.अनिल भुरे, श्री पुरुषोत्तम गोदाम,रा.से.यो विभागाचे स्वयंसेवक आणि मोठ्या प्रमाणात ग्रामस्थांची उपस्थिती होती.
कार्यक्रमाचे सूत्रसंचालन स्नेहल जाधव या स्वयंसेवीकेने केले कार्यक्रमाचे प्रास्ताविक प्राध्यापक डॉक्टर सुभाष कदम यांनी मांडली कार्यक्रमाचे आभार श्रद्धा नरसिंगेने या स्वयंसेवीकेने केले.