लातूर येथील यशवंतराव चव्हाण समाज विकास प्रतिष्ठान,लातूर येथे डॉ. बाबासाहेब आंबेडकर संशोधन व प्रशिक्षण संस्था (

आपल्या स्वप्नात महापुरुष आले पाहिजेत. तरच गरीब मायबापांचे मुलं श्रीमंत होऊ शकतात. यशस्वी माणसं गरीबीवर मात करतात आणि आपल्या कष्टातून,त्यागातून आणि समाजोपयोगी कामातूनच इतिहास निर्माण करतात. अशी इतिहास निर्माण करणारी माणसंच आमचा आदर्श, आमची प्रेरणा ठरतात. स्पर्धेत यशस्वी होण्यासाठी भारतरत्न डॉ. बाबासाहेब आंबेडकरांची ज्ञानलालला, जिद्द अभ्यासूवृत्ती,नियोजन आणि सामाजिक बांधिलकीच्या प्रेरणेतून अभ्यास केल्यास हमखास यश प्राप्ती होते. अशी प्रबोधात्मक भूमिका जिल्हा परिषदेचे माजी उपाध्यक्ष आणि शिक्षण सभापती मा. रामचंद्र तिरुके यांनी लातूर येथील यशवंतराव चव्हाण समाज विकास प्रतिष्ठान,लातूर येथे डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे यांच्या वतीने मातंग समाज आणि दहा पोटजातीतील विद्यार्थ्यांच्या निवासी IBPS बँक,रेल्वे,एल.आय.सी. इत्यादी परीक्षा पूर्व प्रशिक्षणाच्या उद्घाटन प्रसंगी व्यक्त केले. अध्यक्ष स्थानी डॉ. शिवाजी जवळगेकर हे होते याप्रसंगी प्रा. पंडित सूर्यवंशी, प्रा.आर.बी.सन्मुखराव, दिगंबर जेवरीकर, स्वाती जवळगेकर, राजू कांबळे, सौरभ म्हेत्रे, राजकुमार सुरवसे आणि प्रशिक्षणार्थी मोठ्या प्रमाणात उपस्थित होते सूत्रसंचलन डॉ. आरेफ शेख यांनी केले महापुरुषांना अभिवादन करून शाल श्रीफळ आणि बुके देऊन सर्व पाहुण्यांना सन्मानित करण्यात आले.
मराठवाडा साहित्य परिषद औरंगाबाद या वाङ्मयीन परिषदेचे उपाध्यक्ष झाल्याबद्दल रामचंद्र तिरुके यांचा विशेष सत्कार करण्यात आला प्रास्ताविक दिगंबर जेवरीकर, सूत्रसंचलन डॉ. आरेफ शेख तर आभार प्रदर्शन स्वाती जवळगेकर यांनी मानले. यावेळी प्रशिक्षणार्थी, विद्यार्थी, विद्यार्थीनी आणि पालक उपस्थित होते.