मालमत्ता कर थकबाकीदारावर मनपाची धडक कार्यवाही

* ⁠ सध्या सुरु असलेल्या प्रोत्साहन बक्षीस योजनेत सहभागी होऊन कर भरावा व बक्षीस जिंकावे तसेच थकीत कर वसूलीसाठी जप्‍ती टाळावी- आयुक्त तथा प्रशासक बाबासाहेब मनोहरे यांचे आवाहन

* जप्ती केलेल्या मालमत्ताची लिलाव प्रक्रियेस सुरूवात

लातूर/प्रतिनिधी: कर संकलन व कर आकारणी विभाग लातूर शहर महानगरपालिका यांच्या वतीने वर्ष्याच्या सुरूवातीपासूनच मालमत्ता धारकासाठी विविध उपक्रम राबविण्यात येत आहेत. त्यानुसार वेळोवेळी विविध प्रकारचे सुटची योजना लागू करण्यात आल्‍या होती . त्यानंतर दिं. १० फेब्रुवारी २०२५ पर्यंत संपूर्ण कराचा भरणा करणा-या करदात्‍यास लातूर शहर महानगरपालिकेमार्फत प्रोत्‍सानपर बक्षीस योजना राबवण्‍यात येत आहे.

या उपरही जे मालमत्‍ताधारक थकीत मालमत्‍ताकराचा व पाणी पट्टीकराचा भरणा करणार नाहीत अशा मालमत्‍ताधारकांवर महानगरपालिकेच्‍या वसूली पथकामार्फत मालमत्‍ता सील करणे,आटकाणी करणे तसेच नळ जोडणी खंडीत करणे या स्‍वरूपाची कार्यवाही हाती घेण्‍यात आली असून आज दि.०३ फेब्रुवारी २०२५ रोजी क्षेत्रीय कार्यालय अ,क,मध्‍ये कर वसूलीसाठी कार्यवाही करण्‍यात आली आहे.

क्षेत्र क्रं.अः-रू,२७३६०६/थकीत कराच्‍या वसूलीसाठी दोन नळ जोडणी बंद करण्‍यात आली तसेच जप्‍तीची कार्यवाही करताच एका मालमत्‍ताधारकांने रू,६४०६८/चा धनादेश प्राप्‍त झाला .

क्षेत्र क्रं.क -रू,४१४७५१/थकीत कराच्‍या वसूलीसाठी सात नळ जोडणी बंद करण्‍यात आली.

तरी जे मालमत्‍ताधारक मालमत्‍ता सील करूनही मुदतीमध्‍ये कराचा भरणा करणार नाहीत अशा मालमत्‍ता महाराष्ट्र महानगरपालिका अधिनियम नुसार मालमत्तांचा लिलाव महानगरपालिकेमार्फत करून वसूली करण्‍यात येणार आहे. तरी थकबाकीदार मालमत्ता धारकानी कर भरणा करुन सहकार्य करावे व होणारी जप्‍ती, लिलाव सारखी कठू कार्यवाही टाळावी असे आवाहन आयुक्त तथा प्रशासक बाबासाहेब मनोहरे यांनी केले आहे