महात्मा फुले अद्वितीय समाज सुधारक होते.

क्रांतीरत्न महात्मा ज्योतीबा फुले हे अठराव्या शत‌कातील पुरोगामी विचाराचे थोर व्यक्तीमत्व होते. त्यांनी समाजात, स्त्रीशिक्षण, अस्पृश्यता निवारण, अंधश्रद्धा, कर्मकांड, रूढी परंपरा याबाबतीत वैचारीक प्रबोधन दिले. त्यामुळे महात्मा फुले हे समाजसेवक आणि भारतीय इतिहासातील अद्वितीय समाज सुधारक होते असे प्रतिपादन भिक्खू पय्यानंद थेरो यांनी केले.

महात्मा फुले यांच्या १९८व्या जयंती निमित्त महाविहार धम्मसेवक ग्रुपच्यावतीने अभिवादन करण्यात आले.

कार्यक्रमाच्या प्रारंभी क्रांतीरत्न महात्मा ज्योतिबा फुले यांच्या पूर्णकृती पुतळ्यास भिक्खू पय्यानंद थेरो यांनी महाविहार धम्मसेवक ग्रुप सदस्यासह पुष्पहार घालून अभिवादन केले.

पुढे बोलताना भिक्खू पय्यानंद थेरो म्हणाले की, महात्मा फुले हे स्त्री शिक्षणाचे जनक आहेत. पुण्यामध्ये एकुण त्यांनी अठरा शाळा काढल्या. त्यामध्ये प्राधान्याने सर्व समूहातील महिलानां शिक्षण दिले. अस्पृश्यांना आपल्या वाड्यातील विहिरीचे पाणी वाटप केले. शेतकऱ्यांचे दुःख, विधवा पुर्नवसन, अनाथाश्रमे, पाळणागृहे अशा अनेक गोष्टी समाज परिवर्तनासाठी तन-मन-धनाने महात्मा ज्योतिबा फुले यांनी केल्या आहेत. डॉ. बाबासाहेब आंबेडकर यांनी महात्मा फुले यांना आपले गुरु मानले आहे.

या वेळी प्रा. यु. डी. गायकवाड, उदय सोनवणे यांनीही या वेळी आपापले मनोगत व्यक्त केले.

याप्रसंगी पांडुरंग अंबुलगेकर, अशोक कांबळे, ज्योतीराम लामतुरे, भरत कांबळे, उमाकांत धावारे, मिलिंद धावारे, आशा चिकटे, शोभा सोनकांबळे, पंचशीला बनसोडे, पंचशीला बनसोडे, रेखा घोबाळे, अंजली सोनकांबळे, शकुंतला नेत्रगावकर, पृथ्वी सोनवणे ई. सह धम्मसेवक ग्रुपचे सर्व सदस्य उपस्थित होते.