प्राध्यापक डॉ. प्रभाकर गळेगावकर सरांना भावपूर्ण आदरांजली !

लातूर : मराठवाड्यातील दयानंद कला महाविद्यालयात मराठी विषयाचे प्राध्यापक, विभागप्रमुख म्हणून हजारो विद्यार्थी घडवणारे, एक व्यासंगी अभ्यासक, समीक्षक आणि सगळ्यात महत्त्वाचे म्हणजे हाडाचे शिक्षक. वयाची पस्तीस वर्षे आपल्या अध्यापनातून मराठी साहित्याच्या अध्यापनाबरोबर समाजप्रबोधनाचे काम ते करत होते. मात्र, काल २५/१२/२०२४ रोजी सरांनी या जगातून, आपल्या शिष्यांचा अखेरचा निरोप घेतला. सरांच्या निधनानंतर दयानंद कला महाविद्यालय, मराठी विभाग आणि मराठवाडा साहित्य परिषद लातूर शाखा यांच्या संयुक्त विद्यमाने परिसरातील माजी विद्यार्थी, प्राध्यापक यांच्या उपस्थितीत श्रद्धांजली अर्पण केली.

याप्रसंगी ज्येष्ठ साहित्यिक भारत सातपुते यांनी हाडाचे निष्ठावंत शिक्षक, विद्यार्थी प्रिय प्राध्यापक, मराठी साहित्याचे गाढे अभ्यासक, तत्त्वनिष्ठ व्यक्तिमत्व,माझे गुरुवर्य आदरणीय डॉ.प्रभाकर गळेगावकर सरांच्या जाण्याने एक पोकळी निर्माण झाली असे मत प्रतिपादन केले. मराठी विभागप्रमुख डॉ. सुनीता सांगोले यांनी सरांनी केलेल्या संस्कारामुळे आम्ही आपल्या विचारांवर उभे राहण्याचा प्रयत्न केला. ‘विद्यार्थ्यांना आपल्या ज्ञानाच्या बळावर उभे रहाता आले पाहिजे असे तयार करावे’ ही सरांची शिकवण मी आजन्म पाळण्याचा प्रयत्न करू. हीच खऱ्या अर्थाने त्यांना शृद्धांजली ठरेल असे मनोगत व्यक्त केले. डॉ.जयद्रथ जाधव असे म्हणाले की, गुरूवर्य डॉ.प्रभाकर गळेगावकर हे व्यासंगी प्राध्यापक होते. त्यांची व्याख्यानशैली अत्यंत प्रभावी, संदर्भ पूरक होती.त्यांच्या अध्यापन कौशल्याने प्रभावित होऊन अनेक विद्यार्थ्यांना शिक्षक-प्राध्यापक व्हावे असे वाटत होते. डॉ. जयदेवी पवार, डॉ. रत्नाकर बेडदे, डॉ. कांत जाधव, डॉ. दुष्यंत शिंदे, डॉ.नंदकुमार माने आदी प्राध्यापकांनी सरांचा साधा सरळ स्वभाव, विद्यार्थ्यांवरिल निरपेक्ष प्रेम आणि त्यांनी केलेला लेखनाचा, अभ्यासाचा संस्कार यावर प्रकाश टाकला. सरांना शृद्धांजली अर्पण करतना माजी विद्यार्थी, परिसरातील प्राध्यापक दयानंद कला महाविद्यालयात एकत्र आले होते. याप्रसंगी डॉ. प्रभाकर गळेगांवकर सरांच्या मनात दाटून आलेल्या कितीतरी आठवणी अभिव्यक्त करत होते. साश्रू नयनांनी अशी भावपूर्ण श्रद्धांजली अर्पण करण्यात आली. ज्येष्ठ साहित्यिक भारत सातपुते,मराठी विभाग प्रमुख व अखिल भारतीय साहित्य परिषद लातूर जिल्हा अध्यक्ष प्रा.डॉ. सुनीता सांगोले, मराठवाडा साहित्य परिषद शाखा लातूरचे अध्यक्ष व मसाप केंद्रीय कार्यकारिणीचे सदस्य डॉ.जयद्रथ जाधव, रामानंद तीर्थ मराठी अभ्यास मंडळाचे सदस्य डॉ.कांत जाधव, प्रा.डॉ.अंकुशकुमार चव्हाण, प्रा.डॉ जयदेवी पवार, प्रा.डॉ. अनिता सोनवणे,डॉ.नंदकुमार माने, डॉ.ज्ञानदेव राऊत, डॉ.दुष्यंत शिंदे, डॉ.रत्नाकर बेडगे, डॉ.रामशेट्टी शेटकार उपस्थित होते.