दयानंद विज्ञानच्या चार विद्यार्थ्यांना सुवर्णपदक

लातूर : येथील दयानंद शिक्षण संस्था संचलित,दयानंद विज्ञान महाविद्यालयातील पदवी विभागातील ०१ विद्यार्थीनीला व पदव्युत्तर विभागातील ०३ विद्यार्थ्यांना सुवर्णपदक प्राप्त झालेले आहे.नांदेड येथील स्वामी रामानंद तीर्थ मराठवाडा विद्यापीठाच्या वतीने घेण्यात आलेल्या उन्हाळी-२०२४ बी.एस्सी.इलेक्ट्रॉनिक्स या परीक्षेमध्ये तृप्ती नरसिंह कुलकर्णी या विद्यार्थीनीने विद्यापीठात सर्वप्रथम क्रमांक मिळविला आणि ती टी.एन.रेड्डी सुवर्णपदकाची मानकरी ठरली आहे.याचबरोबर पदव्युत्तर विभागातून उन्हाळी-२०२४ एम.एस्सी.रसायनशास्त्र या परीक्षेत प्रिती अच्युतराव राजहंस ही विद्यार्थीनी विद्यापीठात सर्वप्रथम आल्याबद्दल,ती प्रा.डॉ.डी.एस.देशपांडे सुवर्णपदकाची मानकरी ठरली.तसेच याच विद्यार्थिनीने एम.एस्सी.ऑरगॅनिक केमिस्ट्री या विषयातही विद्यापीठात सर्वप्रथम क्रमांक मिळविला.ती डॉ.यशवंत बी.विभुते सुवर्णपदकाचे मानकरी ठरली आहे.प्रतिक्षा गौतम टोंम्पे ही विद्यार्थीनी एम.एस्सी.वनस्पतीशास्त्र या विषयात विद्यापीठात सर्वप्रथम आली.ती प्रो.डॉ.के.एस.देशपांडे सुवर्णपदकाचे मानकरी ठरली आहे.या सर्व विद्यार्थ्यांना दि.२९ जानेवारी २०२५ रोजी दीक्षांत कार्यक्रमांमध्ये विद्यापीठाच्या कुलगुरूंच्या हस्ते सुवर्णपदक प्रदान करण्यात येणार आहे.या यशाने दयानंद शिक्षण संस्था व महाविद्यालयाचे कौतुक सर्व स्तरावर होत आहे.

विद्यार्थ्यांच्या या यशाबद्दल दयानंद शिक्षण संस्थेचे अध्यक्ष लक्ष्मीरमण लाहोटी,सचिव रमेश बियाणी,महाविद्यालयाचे प्राचार्य डॉ.सिद्धेश्वर बेल्लाळे,उपप्राचार्य,पर्यवेक्षक,कार्यालयीन अधीक्षक तसेच रसायनशास्त्र विभाग प्रमुख डॉ.युवराज सारणीकर,वनस्पतीशास्त्र विभाग प्रमुख डॉ.चंद्रशेखर स्वामी, औद्योगिक रसायनशास्त्र विभाग प्रमुख डॉ.आण्णाराव चौगुले,डॉ.विजेंद्र चौधरी,डॉ.तब्बसुम मुजावार व सर्व विभाग प्रमुख, पदवी व पदव्युत्तर समन्वयक,प्राध्यापक,शिक्षकेत्तर कर्मचारी यांनी त्यांचे अभिनंदन व कौतुक केले आहे.