शारदा’मध्ये वार्षिक स्नेहसंमेलन

लातूर, -येथील रॉयल एज्युकेशन सोसायटीच्या शारदा इंटरनॅशनल स्कूलचे वार्षिक स्नेहसंमेलन व पारितोषिक वितरण सोहळा उत्साहात पार पडला.
संस्थेचे अध्यक्ष डॉ. एम. आर. पाटील व उपाध्यक्ष एल. एम. पाटील यांच्या हस्ते स्नेहसंमेलनाचे उद्घाटन झाले. प्रमुख अतिथी म्हणून राजश्री शाहू महाविद्यालयातील इंग्रजी विभाग प्रमुख डॉ. अनुजा जाधव-गव्हाणे, सायबर सेलचे पोलीस निरीक्षक अशोक अनंत्रे व आहारतज्ज्ञ डॉ. दत्ता अंबेकर, पालक प्रतिनिधी मनोज साताळकर उपस्थित होते.
यावेळी सीबीएससी बोर्डाच्या दहावीच्या परीक्षेत शाळेत सर्वप्रथम आलेल्या पहिल्या पाच विद्यार्थ्यांचा आणि विविध क्रीडा स्पर्धांमध्ये यश मिळविणार्‍या विद्यार्थ्यांना मान्यवरांच्या हस्ते पारितोषिक वितरण करण्यात आले. यावेळी विद्यार्थ्यांना कायदेविषयक ज्ञान व अडचणीच्या वेळी पोलिसांची कशी मदत घ्यावी याची माहिती देणार्‍या चित्रकथा मालिका पुस्तक व शालेय वार्षिक अंकाचे प्रकाशन करण्यात आले. यावेळी विद्यार्थ्यांनी विविध कला गुणांचे सादरीकरण केले.
शाळेचे मुख्याध्यापक डी. एम. घारगे यांनी शाळेचा वार्षिक अहवाल सादर केला. पोलीस निरीक्षक अनंत्रे यांनी सायबर गुन्ह्यांबद्दल विद्यार्थी, पालक माहिती दिली. यावेळी डॉ. जाधव यांनी शारदा इंटरनॅशनल स्कूलचे कौतुक केले.
यावेळी विद्यार्थ्यांनी राधा-कृष्ण, नारळी पौर्णिमा, पंजाबी, महाराष्ट्रीयन, मणिपुरी अशा विविध राज्यांतील गीते, भक्ती गीते व देशभक्तिपर गीतांवर नृत्य सादर करून उपस्थितांची दाद मिळविली. इयत्ता आठवी व नववीतील विद्यार्थ्यांनी सादर केलेली स्त्री जीवनाची व्यथा सांगणारी नाटिकेने उपस्थितांना मंत्रमुग्ध केले.