जनसंवाद - २०२५ चे पुरस्कार जाहीर

नांदेड - येथील सप्तरंगी बहुउद्देशीय सेवाभावी संस्था संचलित सप्तरंगी साहित्य मंडळाच्या वतीने देण्यात येणारे या वर्षीचे जनसंवाद पुरस्कार जाहीर झाले असून विविध क्षेत्रातील उल्लेखनीय कार्य करणाऱ्या मान्यवरांचा समावेश करण्यात आला असल्याची माहिती निवड समितीचे अध्यक्ष तथा कार्याध्यक्ष प्रज्ञाधर ढवळे यांनी दिली. यावेळी सप्तरंगी साहित्य मंडळाचे संस्थापक अध्यक्ष अनुरत्न वाघमारे, राज्याध्यक्ष नागोराव डोंगरे, राज्य उपाध्यक्ष पांडुरंग कोकुलवार, राज्यकोषाध्यक्ष शंकर गच्चे, राज्यसचिव कैलास धुतराज, जिल्हाध्यक्ष रणजित गोणारकर, सचिव चंद्रकांत कदम आदींची उपस्थिती होती.

जाहीर करण्यात आलेल्या पुरस्कारांत उपप्राचार्य हरिप्रसाद मालपाणी यांना गुरुगौरव पुरस्कार, विक्तुदास होट्टे यांना शिक्षकरत्न, गणेश भालेराव यांना काव्यभूषण, गणेश गड्डम यांना समाजभूषण पुरस्कार, ग्रंथालय चळवळीसाठी जीवन मांजरमकर, मारोती काळबांडे यांना कवीरत्न, डॉ. गंगाधर भोपाळकर यांना विज्ञानरत्न, गजानन हिंगमिरे यांना काव्यरत्न यांचा समावेश आहे. पुरस्काराचे स्वरूप पदक, शाल, पुष्पहार, प्रमाणपत्र, सन्मान चिन्ह असे असून येत्या २७ तारखेला मुदखेड येथे होणाऱ्या सप्तरंगी साहित्य मंडळाच्या चौथ्या जनसंवाद ग्रामीण साहित्य संमेलनाच्या उद्घाटन सत्रात मान्यवरांच्या हस्ते पुरस्कारांचे वितरण होणार आहे.