गांधी विचार संस्कार परीक्षे ' त दयानंद विज्ञानचे जिल्हास्तरीय घवघवीत यश

लातूर : येथील दयानंद विज्ञान महाविद्यालयात महाराष्ट्र शासनाच्या परिपत्रकानुसार ' गांधी रिसर्च फाऊंडेशन ', जळगावच्या माध्यमातून दि.०७ नोव्हेंबर २०२४ रोजी ' गांधी विचार संस्कार परीक्षा ' घेण्यात आलेली होती.या परीक्षेसाठी महाविद्यालयातील एकूण ३७ विद्यार्थ्यांनी नाव नोंदणी केलेली होती.त्यापैकी १३ विद्यार्थ्यांनी व प्राध्यापकांनी ही परीक्षा दिलेली होती.२००७ साली सुरू केलेल्या या उपक्रमामध्ये देशातील एकूण ०६ राज्यातील व भारताच्या बाहेरील १५ लाखापेक्षाही जास्त विद्यार्थ्यांनी सदरील परीक्षा दिलेली होती.आज २१ व्या शतकात समाजात वाढत चाललेली हिंसा आणि क्रुरता याला पायबंद घालण्यासाठी महात्मा गांधीजी यांच्या सत्य,अहिंसा,शांती,करुणा या मूल्यांचे संस्कार रूजविण्याच्या उदात्त हेतूतून ही परीक्षा देशात व राज्यात घेतली जाते.अशा या ' गांधी विचार संस्कार परीक्षे 'त शिक्षक गटातून औद्योगिक रसायनशास्त्र विभागातील प्रा.राहुल जाधव यांनी जिल्ह्यातून सर्वप्रथम क्रमांक मिळवून सुवर्णपदक पटकाविले तर ग्रंथपाल प्रा.किरण भिसे यांनी द्वितीय क्रमांक मिळवून रौप्य पदक मिळविले.तसेच विद्यार्थी गटातून बी.एस्सी.तृतीय वर्षातील कल्याणी ठाकूर या विद्यार्थीनीने द्वितीय क्रमांक मिळवून रौप्य पदक मिळविले.

‌ या घवघवीत यशाबद्दल महाविद्यालयाचे प्र.प्राचार्य डॉ.सिद्धेश्वर बेल्लाळे यांच्या हस्ते यशस्वी प्राध्यापक व विद्यार्थीनीचा प्रमाणपत्र,स्मृतिचिन्ह व पुष्पगुच्छ देऊन यथोचित सन्मान करण्यात आला.यावेळी गांधी रिसर्च फाऊंडेशन,जळगाव मार्फत देण्यात आलेले स्मृतिचिन्ह समन्वयक यांनी महाविद्यालयाचे प्र.प्राचार्य डॉ.सिद्धेश्वर बेल्लाळे यांच्याकडे सुपूर्द केले.याप्रसंगी प्रशासकीय अधिकारी माधवराव सूर्यवंशी,कार्यालयीन अधीक्षक नवनाथ भालेराव,प्रा.मेघा पंडित,डॉ.गजानन बने,डॉ.रामशेट्टी शेटकार यांची प्रमुख उपस्थिती होती.

या परीक्षेच्या यशस्वीतेसाठी गांधी विचार संस्कार परीक्षा प्रभारी प्राध्यापक व परीक्षा समन्वयक डॉ.नंदिनी कोरडे,परीक्षा समन्वयक ग्रंथपाल प्रा.किरण भिसे व प्रा.राहुल जाधव यांचे अनमोल सहकार्य लाभलेले होते.या यशस्वी प्राध्यापक व विद्यार्थीनीचा महाविद्यालयातील सर्व विभाग प्रमुख,प्राध्यापक आणि सर्व शिक्षकेत्तर कर्मचाऱ्यांनीही अभिनंदन व कौतुक केले आहे.