स्वर्गीय प्राचार्य रा. रं. बोराडे यांनी ग्रामीण साहित्य विश्वव्यापी केले

आज मराठी भाषेच्या अभिजात दर्जा विषयी मोठ्या प्रमाणात देशभर चर्चा सुरू आहे, परंतु लातूर जिल्ह्यातील रेणापूर तालुक्यातील काटगाव या ग्रामीण भागामध्ये जन्माला येऊन ग्रामीण साहित्य हे संपूर्ण विश्वामध्ये पोहोचविण्याचे महत्त्वपूर्ण कार्य स्वर्गीय प्राचार्य डॉ. रा. रं. बोराडे यांनी केले असे प्रतिपादन महात्मा बसवेश्वर महाविद्यालयाचे प्राचार्य डॉ. संजय गवई यांनी बोलताना व्यक्त केले.

यावेळी सर्वांनी दोन मिनिट स्तब्ध राहून त्यांना सामूहिक भावपूर्ण श्रद्धांजली अर्पण केली

श्री महात्मा बसवेश्वर शिक्षण संस्था, लातूर द्वारा संचलित महात्मा बसवेश्वर महाविद्यालय लातूर द्वारा आज स्वर्गीय प्राचार्य रा. रं. बोराडे यांच्या निधनाबद्दल सामूहिक श्रद्धांजली कार्यक्रम प्राचार्य कक्षामध्ये आयोजित करण्यात आला होता यावेळी ते बोलत होते, यावेळी महाविद्यालयाचे स्टाफ सचिव डॉ. रत्नाकर बेडगे, बोर्ड समन्वयक डॉ. गुणवंत बिरादार, स्टाफ सचिव प्रा. रवींद्र सुरवसे, डॉ. धोंडीबा भुरे, प्रा. रवींद्र सुरवसे, प्रा. शंकर भोसले, प्रा. मारुती माळी, प्रा. सागर ठाकूर, कार्यालय प्रमुख नामदेव बेंदरगे, महादेव स्वामी, यशपाल ढोरमारे, अजय गायकवाड, संतोष येंचेवाड यांची उपस्थिती होती.

पुढे बोलताना डॉ. संजय गवई म्हणाले की, स्वर्गीय प्राचार्य रा. रं. बोराडे यांनी दर्जेदार आणि वस्तुनिष्ठ साहीत्याची निर्मिती केली. आज ग्रामीण साहित्याला संपूर्ण विश्वामध्ये मोठी मागणी आहे. तेव्हा आपण त्यांच्या या समर्पित जीवनातून प्रत्येकाने आपले लेखन कौशल्य विकसित केले पाहिजे असेही ते यावेळी म्हणाले.

या कार्यक्रमाचे प्रास्ताविक स्टाफ सचिव डॉ. रत्नाकर बेडगे यांनी केले यावेळी महाविद्यालयातील शिक्षक, शिक्षकेतर कर्मचारी उपस्थित होते.