दयानंद कलामध्ये संत सेवालाल महाराज जयंती साजरी

लातूर : येथील दयानंद कला महाविद्यालयात संत सेवालाल महाराज यांची जयंती उत्साहात साजरी करण्यात आली संत सेवालाल महाराज यांच्या प्रतिमेस पंचायत समितीच्या व बारावी बोर्ड परिक्षेचे पथक सदस्य श्री नल्ले एस.सी., श्रीमती कोळी मॅडम, श्री जवळगे व्हि.एम.यांनी
पुष्पहार अर्पण करून अभिवादन केले .याप्रसंगी महाविद्यालयाचे प्राचार्य डॉ.शिवाजी गायकवाड,उपप्राचार्य डॉ. अंजली जोशी, उपप्राचार्य डॉ. दिलीप नागरगोजे,पर्यवेक्षक प्रशांत दीक्षित व अध्यक्ष संजय व्यास यांची प्रमुख उपस्थिती होती. याप्रसंगी प्रा. सोमनाथ पवार यांनी संत सेवालाल महाराज यांचे जीवन कार्याचा आढावा घेताना त्यांनी असे सांगितले की,क्रांतिसिंह सेवालाल महाराज यांचा जन्म 15 फेब्रुवारी 1739 रोजी आंध्र प्रदेश येथे झाले त्यांच्या आईचे नाव धर्मणी माता व वडिलांचे नाव भीमा नायक होते . संत सेवालाल महाराजांनी आपल्या गौर बंजारा भाषेत दिलेला उपदेश,तत्व
" रपिया कटोरो पाळी वक जाये"!
भावार्थ:- एका रुपयाला एक वाटी पाणी विकेल.
" कसाईन गावढी मत वेचो"!
भावार्थ:- खट्टीकाला गाय विकू नका! पशु प्राण्यावर प्रेम करा!

"वाडी-वस्तीनं सायी वेस। किटी-मुंगीनं सायी वेस। जीव-जणगाणीनं सायी वेस। बाल-बच्चानं सायी वेस सेनं साथी वेस।।'
भावार्थ:-
हे देवीमाते या सृष्टीतील सर्व प्राणिमात्रांचे रक्षण कर. वाडी-वस्त्या, किड्या-मुंग्यांचे रक्षण कर!
सर्वसामान्य माणसाला जीवन जगण्याचे सूत्रच जणू सेवालाल महाराज असे एकूण 22 तत्व पैकी काही त्यांनी आपल्या बंजारा बोली भाषेत मांडली .