६७ व्या अखिल भारतीय प्रसूती आणि स्त्रीरोग तज्ज्ञांच्या परिषदेत

लातूर : लातूर येथील ख्यातनाम वंध्यत्व निवारण तथा स्त्री रोग तज्ज्ञ डॉ. कल्याण बरमदे यांनी संपादित केलेल्या दोन वैद्यकिय पुस्तकांचे प्रकाशन मुंबई येथे सुरु असलेल्या ६७ व्या अखिल भारतीय प्रसूती आणि स्त्री रोग तज्ञांच्या परिषदेत थाटात करण्यात आले.

डॉ. कल्याण बरमदे व डॉ. प्रियांकुर रॉय संपादित ' मॅन्युअल ऑन प्रिझर्व द युटेरस' अर्थात 'गर्भपिशवी वाचवण्याचे उपाय ' आणि डॉ. कल्याण बरमदे व डॉ. ऋचा शर्मा संपादित ' मेडिकल टर्मिनेशन ऑफ प्रेग्नन्सी अँड फॉलोअप केअर ' या दोन वैद्यकिय पुस्तकांचे प्रकाशन भारतीय प्रसूती आणि स्त्रीरोग संघटनेचे अध्यक्ष डॉ. जयदीप टांक , डॉ. माधुरी पटेल, डॉ. हृषिकेश पै, डॉ. नंदिता पालशेतकर, डॉ. निरंजन चव्हाण, डॉ. निरंजन चव्हाण, डॉ.परिक्षित टांक आणि डॉ. सुवर्णा खाडिलकर आणि फॉग्सी कार्यालयाचे पदाधिकारी यांच्या हस्ते थाटात करण्यात आले.

मुंबई येथे आयोजित करण्यात आलेल्या ६७ व्या अखिल भारतीय प्रसूती व स्त्री रोग तज्ज्ञ परिषदेस डॉ. कल्याण बरमदे यांना विशेष निमंत्रित म्हणून पाचारण करण्यात आले आहे. ही परिषद मुंबईच्या बांद्रा कुर्ला कॉम्प्लेक्समधील जिओ कन्वेशन सेंटर येथे संपन्न होत आहे.

या ६७ व्या अखिल भारतीय पातळीवरील पाच दिवस चालणाऱ्या या परिषदेत स्त्री रोग विषयक विविध सत्रांचे आयोजन, तज्ज्ञांचे मार्गदर्शन , कार्यशाळा, शोध निबंध सादरीकरण, समूह चर्चा होणार आहे. डॉ. कल्याण बरमदे यांना या राष्ट्रीय परिषदेसाठी डॉ. कल्याण बरमदे यांना विशेष निमंत्रित मार्गदर्शक म्हणून पाचारण करण्यात आले आहे. डॉ. कल्याण बरमदे हे भारतीय स्त्री रोग तज्ज्ञ संघटनेचे ज्येष्ठ पदाधिकारी असून त्यांनी राष्ट्रीय - आंतरराष्ट्रीय पार पडलेल्या अनेक प्रसूती व स्त्री रोग आणि वंध्यत्व निवारण तज्ज्ञांच्या परिषदेत सहभाग नोंदवला आहे. अनेक आंतरराष्ट्रीय परिषदांमध्ये त्यांनी आपले शोध निबंधही सादर केले आहेत. मुंबईत पार पडत असलेल्या या परिषदेत भारतातील विविध राज्यातील ११ हजार ५०० हून अधिक स्त्री रोग तज्ज्ञ सहभागी झाले आहेत. लातूरसारख्या भागात अतिशय उत्कृष्ट दर्जाची वैद्यकीय सेवा व सुविधा उपलब्ध करून देणाऱ्या डॉ. कल्याण बरमदे यांच्या कार्याचा यावेळी गौरव करण्यात आला. या परिषदेत गुरुवारी डॉ. बरमदे यांनी लॅप्रोस्कोपिक सुरक्षितता, दुर्बिणीद्वारे शस्त्रक्रिया यावर अभ्यासपूर्ण मार्गदर्शन केले. तर, शुक्रवारी त्यांनी हिस्टेरोस्कोपीमधील गुंतागुंत या विषयावर व्याख्यान दिले.

वैद्यकीय क्षेत्रात मौलिक योगदान देणाऱ्या डॉ. कल्याण बरमदे यांचे या पुस्तक प्रकाशनाच्या अनुषंगाने वैद्यकीय क्षेत्रातील अनेक मान्यवरांनी अभिनंदन केले आहे.