माऊली महिला भजनी मंडळाचा दुसरा वर्धापन दिन साजरा

लातूर प्रतिनिधी : गोपाळ नगर येथील माऊली महिला भजनी मंडळाचा दुसरा
वर्धापन दिन विविध अध्यात्मिक उपक्रमांनी साजरा करण्यात आला. या
कार्यक्रमात मंडळाच्या अध्यक्षा श्रीमती वनमाला इंजे यांनी मंडळाकडून
राबविण्यात येत असलेल्या भजन, प्रवचन, किर्तनासह विविध उपक्रमांची माहिती
दिली.

वारकरी साहित्य परिषद, महाराष्ट्र राज्य अंतर्गत कार्यरत असलेले हे मंडळ
लातूर परिसरात भजन, कीर्तन आणि प्रवचन यासारखे धार्मिक कार्यक्रम आयोजित
करून समाजातील महिलांना एकत्र आणण्याचे काम करते. या मंडळाचा उद्देश भजन,
कीर्तन आणि प्रवचनाद्वारे धार्मिक जागृती करणे, महिलांच्या सामाजिक आणि
आध्यात्मिक विकासासाठी प्रयत्न करणे, समाजात सकारात्मक वातावरण निर्माण
करणे असा आहे.

या कार्यक्रमास जेएसपीएम शिक्षण संस्थेचे कार्यवाह अजित पाटील कव्हेकर,
माजी जिल्हा परिषद सदस्य सौ. सोनाली थोरमोटे पाटील, वारकरी साहित्य
परिषद, महाराष्ट्र राज्य महिला अध्यक्षा लक्ष्मीबाई भडके, माजी नगरसेविका
शोभा पाटील, तालुका अध्यक्ष भागवत गोरे, तालुका कोषाध्यक्ष सुखाचारी
महाराज यांच्यासह मंडळाच्या अध्यक्षा श्रीमती वनमाला इंजे, उपाध्यक्षा
भाग्यश्री यादव, सचिव भाग्यश्री जाधव, कोषाध्यक्षा शकुंतला कदम, संपर्क
प्रमुख सुमन मारडकर, सहसंपर्क प्रमुख सोजरबाई शिंदे, सदस्या सुजाता
मारडकर, शालुताई पौळ, संगीता कांबळे, अंजना काळे, संगीता शिनगारे,
शकुंतला माळी, मुक्ताबाई बोयणे, प्रज्ञा भालेराव, शारदा भांदर्गे,
दैवशाला सोमवंशी, वर्षा खुणे, सुशिला गिरी यांच्यासह भाविक भक्त व महिला
उपस्थित होत्या.

महिलांना एकत्र आणून त्यांच्यातील कला आणि कौशल्य विकसित करण्यासाठी हे
मंडळ कार्य करत आहे. यामुळे महिलांमध्ये आत्मविश्वास वाढत असून त्या
समाजातील विविध क्षेत्रात योगदान देत आहेत. मंडळाने भविष्यातही अशाच
प्रकारचे कार्यक्रम आयोजित करण्याचे उद्दिष्ट ठेवले आहे. याशिवाय
महिलांसाठी शिक्षण, आरोग्य आणि सामाजिक विकासासाठीही प्रयत्न करण्यात
येणार आहेत, अशी माहीती मंडळाच्या अध्यक्षा श्रीमती वनमाला इंजे यांनी
यावेळी दिली.