दयानंद विज्ञानमध्ये ' मास्टरिंग केमड्रॉ ' या विषयावर तीन दिवसीय प्रशिक्षण कार्यशाळा

लातूर : येथील दयानंद विज्ञान महाविद्यालयात रसायनशास्त्र विभागातर्फे दि.07 मार्च ते 10 मार्च 2025 या दरम्यान पदव्युत्तर प्रथम व द्वितीय वर्षातील विद्यार्थ्यांसाठी 'मास्टरिंग केमड्रॉ ' या विषयावर तीन दिवसीय प्रशिक्षण कार्यशाळेचे आयोजन करण्यात आलेले होते.या कार्यशाळेचे उद्घाटन 07 मार्च 2025 रोजी झाले तर 10 मार्च 2025 रोजी समारोप झाला.या कार्यशाळेच्या समारोप कार्यक्रमाच्या अध्यक्षस्थानी महाविद्यालयाचे प्र.प्राचार्य डॉ.सिद्धेश्वर बेल्लाळे होते.याप्रसंगी रसायनशास्त्र विभाग प्रमुख डॉ.युवराज सारणीकर,आयक्यूएसी समन्वयक डॉ.जमन अंगुलवार,कार्यशाळा समन्वयक व प्रशिक्षक डॉ.श्रेयस माहुरकर, डॉ.रवींद्र सोळुंके,डॉ.नंदा कोरडे, प्रा.अक्षता माने,प्रा.मनीषा मुंडे, प्रा.नवनाथ ढेकणे,प्रा.भाग्यश्री काळे,प्रा.विठ्ठल सोनकांबळे यांची प्रमुख उपस्थिती होती.

सदरील कार्यशाळेत एकूण 50 विद्यार्थ्यांना सहभाग नोंदविला.या विद्यार्थ्यांना डॉ.श्रेयस माहुरकर यांनी रसायनशास्त्र या विषयातील मास्टररिंग केमड्राॅ,रसायनशास्त्रातील रासायनिक प्रक्रिया व संशोधन या संदर्भात सखोल असे मार्गदर्शन करण्यात आले तसेच कार्यशाळेतील यशस्वी व सहभागी विद्यार्थ्यांना प्रमाणपत्रही मान्यवरांच्या हस्ते देण्यात आली.याप्रसंगी इतर प्राध्यापक,शिक्षकेत्तर कर्मचारी व विद्यार्थी बहुसंख्येने उपस्थित होते.