दयानंद कला महाविद्यालयात ब्युटी पार्लर कोर्सचे उद्घाटन

लातूर दि. २७ विद्यार्थिनींना स्वतःच्या पायावर उभे राहता यावे, त्यांना स्वयंरोजगाराची संधी उपलब्ध व्हाव्यात यासाठी दयानंद कला महाविद्यालयात इयत्ता अकरावीच्या विद्यार्थिनींना ब्युटी पार्लर कोर्सचे प्रशिक्षण वर्गाची सुरुवात केली आहे. उद्घाटन प्रसंगी प्राचार्य डॉ शिवाजी गायकवाड म्हणाले की, राष्ट्रीय शिक्षण धोरण २०२० मध्ये रोजगाराभिमुख शिक्षण द्यावे याचा आग्रह धरला आहे. त्या अनुषंगाने दयानंद कला महाविद्यालयात विविध कोर्सेस सुरू करण्यात येणार आहेत. याचा अधिकाधिक विद्यार्थिनींनी लाभ घ्यावा असे आवाहन केले."
विद्यार्थिनींना मार्गदर्शन करताना उपप्राचार्य डॉ.दिलीप नागरगोजे म्हणाले की "सद्यस्थितीमध्ये ब्युटी पार्लर सारख्या सेवांची मागणी आहे त्यामुळे शिक्षण घेत असताना अर्थार्जन करण्याची संधी उपलब्ध होईल." डॉ. संदीपान जगदाळे व डॉ.गोपाल बाहेती यांनीही या प्रसंगी विद्यार्थिनींना मार्गदर्शन केले.
या २१ दिवसीय प्रशिक्षणात ब्युटी पार्लरचे प्रशिक्षण विद्यार्थिनींना दिले जाणार आहे. यात रंगभूषा, केशभूषा रचना व इतर बाबी शिकविल्या जाणार आहेत. यासाठी प्रशिक्षक म्हणून प्रा. पूजा अर्जुने व प्रा. ऐश्वर्या ठाकूर मार्गदर्शन करणार आहेत. यांच्या सहाय्यासाठी कु.सलोनी अश्रफ शेख व कु.जान्हवी सुनील जाधव या मदत करणार आहेत. या प्रसंगी हिंदी विभाग प्रमुख डॉ. प्रदिप सूर्यवंशी, प्रा. महेश जंगापल्ले यांच्यासह मोठ्या संख्येने विद्यार्थिनी उपस्थित होत्या.