वाचन संकल्प महाराष्ट्राचा "उपक्रमास बाभळगाव महाविद्यालयात प्रारंभ

बाभळगाव : स्वामी रामानंद तीर्थ मराठवाडा विद्यापीठ, नांदेड, दयानंद शिक्षण प्रसारक मंडळ बाभळगाव द्वारा संचलित कै. व्यंकटराव देशमुख महाविद्यालय, बाभळगाव आणि उच्च व तंत्र शिक्षण विभाग महाराष्ट्र शासन यांच्या संयुक्त विद्यमाने " वाचन संकल्प महाराष्ट्राचा " या उपक्रमांतर्गत महाविद्यालयात ग्रंथालयाच्या भव्य दालनात मराठी विभाग प्रमुख डॉ. जयदेवी पवार, डॉ. शाहूराज मुळे (अर्थशास्त्र ), डॉ. मा.ना. गायकवाड ( हिंदी ), डॉ.सुरेशकुमार कांबळे ( इंग्रजी ), डॉ. वैशाली माढेकर, डॉ.पांडुरंग मुंढे यांच्या उपस्थितीमध्ये उद्घाटन करण्यात आले. कार्यक्रमाच्या अध्यक्षस्थानी महाविद्यालयाचे प्राचार्य डॉ. दुष्यंत कटारे होते. आजच्या काळात तरुण वाचन संस्कृती पासून दुरावत आहे. त्यामुळे तरुण पिढीला वाचन संस्कृतीकडे प्रत्यक्ष आकर्षित करण्याच्या महाराष्ट्र शासनाच्या उपक्रमाचे स्वागत यावेळी अध्यक्षीय भाषणात कटारे यांनी केले.

०१ जानेवारी २०२५ ते १५ जानेवारी २०२५ या कालावधीमध्ये सामूहिक वाचन, वाचन कौशल्य कार्यशाळा, वाचन संवाद, पुस्तक परीक्षण स्पर्धा इत्यादी विविध उपक्रम प्रत्यक्ष राबवून हा पंधरवडा साजरा करण्यात येणार असल्याचे महाविद्यालयाचे ग्रंथपाल डॉ. महावीर कटके यांनी सांगितले. त्यामध्ये पहिल्या दिवशी अवांतर

ग्रंथप्रदर्शनास महाविद्यालयातील विद्यार्थ्यांनी उस्फुर्त प्रतिसाद दाखविला. यावेळी कु. भालेराव साधना समाधान, वाघमारे अविष्कार हुसेन, सवारे पूजा सुनील, शेख सना मेहबूब, शेख सबाना बाबुमिया, कुनशेट्टी सारिका, मेघा कांबळे, सुरवसे ओंकार, धामणगाव कृष्णा, साखरे गणेश, सुरवसे बालाजी, माने अजय या विद्यार्थ्यांनी सामूहिक वाचन करून या उपक्रमाचा शुभारंभ केला.

कार्यक्रमाचे प्रास्ताविक राष्ट्रीय सेवा योजना कार्यक्रमाधिकारी डॉ. दशरथ भिसे यांनी तर आभार डॉ.अभिजीत बादाडे यांनी मानले. कार्यक्रम यशस्वी करण्यासाठी श्री सगर यांनी परिश्रम घेतले. कार्यक्रमाला महाविद्यालयातील प्राध्यापक, शिक्षकेत्तर कर्मचारी, विद्यार्थी मोठ्या संख्येने उपस्थित होते.