देशाने थोर अर्थतज्ञ आणि महान नेता गमावलाआहे.

लातूर (प्रतिनिधी):
भारताचे माजी पंतप्रधान, काँग्रेस पक्षाचे नेते डॉ. मनमोहनसिंग यांच्या
निधनाचे वृत्त अत्यंत धक्कादायक आहे. त्यांच्या अकस्मित जाण्याने आपल्या
देशाने थोर अर्थतज्ञ, आणि महान नेता गमावला आहे, अशी माझी भावना असल्याचे
माजी मंत्री आमदार अमित विलासराव देशमुख यांनी म्हटले आहे.
माजी पंतप्रधान डॉ मनमोहन सिंग यांच्या निधनाबद्दल शोक व्यक्त करून आमदार
देशमुख यांनी त्यांना भावपूर्ण श्रद्धांजली अर्पण केली आहे. या संदर्भाने
आपला भावना व्यक्त करताना आमदार अमित देशमुख यांनी म्हटले आहे की,
भारताला जागतिक महासत्ता बनवण्याच्या प्रक्रियेची सुरुवात करणारे म्हणून
ज्यांची जागतिकस्तरावर ओळख होती ते थोर अर्थतज्ञ डॉ. मनमोहन सिंग यांचा
पंतप्रधान पदाचा कार्यकाळ अत्यंत यशस्वी राहिला आहे, कामाप्रती असलेली
त्यांची निष्ठा आणि जनसामान्यांच्या बद्दल त्यांचा असलेला दृष्टिकोन
यामुळे भारतातील प्रत्येक नागरिकाच्या दृष्टीने ते आदरणीय राहिले आहेत,
अर्थशास्त्राचे प्राध्यापक, अर्थ मंत्रालयातील सल्लागार, अर्थ
मंत्रालयाचे सचिव, देशाच्या नियोजन आयोगाचे उपाध्यक्ष रिझर्व बँकेचे
गव्हर्नर, पंतप्रधानांचे आर्थिक सल्लागार, देशाचे अर्थमंत्री आणि देशाचे
पंतप्रधान म्हणून त्यांनी निभावलेल्या भूमिका देशाला कायम पुढे घेऊन
जाणाऱ्या ठरल्या आहेत, राज्यसभेतील खासदार आणि विरोधी पक्षनेते पदाची
भूमिकाही तेवढीच प्रभावीपणे त्यांनी पार पाडली, त्यांचे हे योगदान कायम
स्मरणीय आणि प्रेरणादायीच राहणार आहे, आदरणीय विलासराव देशमुख
महाराष्ट्राचे मुख्यमंत्री आणि केंद्रात मंत्री असताना त्यांचे तत्कालीन
प्रधानमंत्री डॉ मनमोहन सिंग यांच्याशी अत्यंत स्नेहाचे संबंध होते, डॉ
मनमोहन सिंग कायम त्यांच्यासाठी मार्गदर्शकाची भूमिका निभावत असत.
त्यांच्या अचानक जाण्यामुळे देशाचे आणि काँग्रेस पक्षाचे कधीही भरून न
निघणारे नुकसान झाले आहे अशी माजी भावना आहे, त्यांना पुनश्च एकदा
श्रद्धांजली अर्पण करून त्यांच्या आत्म्यास शांती लाभो अशी प्रार्थना
करतो आहे. असेही माजी मंत्री आमदार देशमुख यांनी म्हटले आहे.