लातूर शहरातील प्रभाग क्रमांक ४ मध्ये होणार ग्रीन बेल्ट विकास माजी मंत्री आमदार अमित विलासराव देशमुख यांच्याकडे नागरीकांची मागणी

लातूर प्रतिनिधी : शुक्रवार दि. २७ डिसेंबर
लातूर शहरातील प्रभाग क्रमांक ४ या भागातील नागरिकांनी ग्रीन बेल्ट
विकसित करण्याची मागणी राज्याचे माजी वैद्यकीय शिक्षण व सांस्कृतिक
कार्यमंत्री आमदार अमित विलासराव देशमुख यांची भेट घेऊन केली. या मागणीला
अनुसरून लातूर महानगरपालिका संबंधित यंत्रणेला आवश्यक सुवीधांसह ग्रीन
बेल्ट विकसित करण्याच्या सूचना दिल्या होत्या. या ग्रीन बेल्टच्या
विकासामुळे लातूर शहराचा सौंदर्य वाढणार आहे. तसेच, या भागातील
नागरिकांना स्वच्छ हवा आणि निसर्गाच्या सानिध्यात वेळ घालवण्याची संधी
मिळणार आहे.
राज्याचे माजी वैद्यकीय शिक्षण व सांस्कृतिक कार्यमंत्री आमदार अमित
विलासराव देशमुख यांच्या सुचनेच्या अनुषंगाने, महापालिकेचे अधिकारी शहर
अभियंता नवनाथ केंद्रे, कनिष्ठ अभियंता राठोड, शेख अकबर आणि स्थानिक
नागरिकांनी एकत्र येऊन या जागेची पाहणी केली. या पाहणीदरम्यान, ग्रीन
बेल्टची मोजमाप घेण्यात आली आणि त्याचा आराखडा तयार करण्यात आला. या
आराखड्यानुसार, या भागात ग्रीन बेल्टसह इतर आवश्यक सुविधा निर्माण
करण्याचे नियोजन करण्यात आले आहे.
या ग्रीन बेल्टच्या विकासासाठी आवश्यक असलेली सर्व प्रशासकीय प्रक्रिया
लवकरच पूर्ण करुन या भागातील विकासकामाला सुरुवात होणार आहे. या ग्रीन
बेल्टमध्ये वृक्षारोपण, बाग, खेळणीची मैदान, बसण्याच्या जागा इत्यादी
सुविधा उपलब्ध करून देण्यात येणार आहेत. लातूर महानगरपालिकेने
नागरिकांच्या या मागणीला गांभीर्याने घेतले आणि लवकरच ही योजना
प्रत्यक्षात उतरवण्याचे काम सुरु आहे.