महापूर चे वार्षिक स्नेहसंमेलन उत्साहात संपन्न

लातूर / प्रतिनिधी- माऊली शिक्षण प्रसारक मंडळ,लातूर द्वारा संचलित श्री सद्गुरु वेदानंद प्राथमिक विद्यामंदिर व शिशुविहार ,महापूर पाटी ,महापूर चे वार्षिक स्नेहसंमेलन नुकतेच अतिशय उत्साह पूर्ण वातावरणात संपन्न झाले. या स्नेहसंमेलनाचे उद्घाटन मराठवाड्याचे लोकप्रिय शिक्षक आमदार मा. श्री विक्रमजी बप्पा काळे (शिक्षक आमदार - छत्रपती संभाजी नगर विभाग) यांच्या शुभ हस्ते संपन्न झाले. या वार्षिक स्नेहसंमेलनात शिवतांडव, श्रीराम गाथा, महाराष्ट्रीयन लोकनृत्य ,अशा विविध पारंपारिक गीतांचा समावेश होता.
विद्यार्थ्यांच्या उत्कृष्ट नृत्याने उपस्थितांची मने जिंकली. उद्घाटक मा.आ. विक्रम काळे साहेबांनी संस्थेच्या यशस्वी वाटचालीचे विशेष कौतुक केले व ग्रामीण भागात शैक्षणिक संकुल चालवत असूनही हे शैक्षणिक संकुल अतिशय प्रगतीच्या पथावर कार्यरत आहे असे त्यांनी नमूद केले, व उपस्थित पालक व विद्यार्थ्यांना मोबाईल एडिक्शन बद्दल विशेष मार्गदर्शन दिले. संस्था सचिव गंगाधर आरडले यांनी प्रास्ताविकातून संस्थेच्या भविष्यातील उपक्रमाबद्दल परिपूर्ण माहिती सांगितली. याप्रसंगी संस्थेचे कोषाध्यक्ष तानाजी बेवनाळे पाटील , प्राचार्या सौ.कविता आरडले , उपप्रचार्या काळे भाग्यश्री , मुख्याध्यापक रजनीकांत येरमे , महापूर ग्रा. सरपंच सौ.कल्पना ताई संदीप माने , मा.प्रा. अंकुश जी नाडे सरचिटणीस राष्ट्रवादी कॉंग्रेस पार्टी लातूर जिल्हा, राजकुमार जाधव , राजकुमार मगर , मा. लिंबराज आबा माने, मा. विठ्ठल राव आबा माने, मा. गणपतराव आप्पा ढमाले, मा. साहेबराव माने, मा. विश्वनाथ पांचाळ, मा. उत्तमराव वरवटे, मा. पंडित नाना ढमाले, मा. गोविंद नांगराळे, मा.बालासाहेब माने,मुख्याध्यापक भागवत भोसले , श्रीपती व्यवहारे , दत्ता पवार , प्राचार्य उमेश गिरवलकर ,मुख्याध्यापक प्रकाश तुगावे , प्रकाश राठोड,व्यवस्थापक श्री गोपाळ करडिले, संपूर्ण शिक्षक वृंद ,परिसरातील नागरिक ,पालक व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन कला शिक्षिका भाग्यश्री उबाळे यांनी तर आभार श्री बिरादार मारुती यांनी मानले.