स्वामी रामानंद तीर्थ मराठवाडा विद्यापीठाचे कुलगुरू

स्वामी रामानंद तीर्थ मराठवाडा विद्यापीठाचे कुलगुरू मा. डॉ. मनोहर चासकर व प्र.कुलगुरू मा. डॉ. अशोक महाजन यांच्या मार्गदर्शनाखाली दयानंद कला महाविद्यालय लातूर येथे onscreen paper valuation संदर्भात एकदिवसीय कार्यशाळा आयोजित करण्यात आली होती. याप्रसंगी महाविद्यालयाचे प्राचार्य आदरणीय डॉ. शिवाजी गायकवाड म्हणाले की ऑफलाइन उत्तर पुस्तकांचे मूल्यमापन करीत असताना येणाऱ्या अडचणी या onscreen मूल्यमापनाने भरून निघतील आणि वेळेत निकाल लागेल त्यामुळे आदरणीय कुलगुरू साहेबांनी सुरू केलेली ही पद्धत पारदर्शक व विद्यार्थ्यांच्या हिताची आहे असे मत व्यक्त केले. प्रस्तुत विद्यापीठाचे विशेष कार्यकारी अधिकारी डॉ. दिगंबर नेटके म्हणाले की, गत दोन वर्षापासून कॉमर्स बी.सी.ए. बी.सी.एस. अशा पदव्यांचे onscreen मूल्यमापन होत आहे आणि ते यशस्वीपणे चालू आहे त्यामुळे बी.ए. बी.एस.सी. या विद्यार्थ्यांच्या उत्तर पुस्तकांचे मूल्यमापन ही onscreen पद्धतीने व्हावे असा आमचा मानस आहे त्या अनुषंगाने आजची ही कार्यशाळा संपन्न होत आहे. महाविद्यालयाने विलंब न करता ही कार्यशाळा यशस्वी पार पाडली त्याबद्दल महाविद्यालयाचे प्राचार्य डॉ. शिवाजी गायकवाड सर यांचे आभार व्यक्त केले. डॉ. रोहित पाटील यांनी वेगवेगळ्या महाविद्यालयातून उपस्थित प्राध्यापकांना प्रश्न उत्तराच्या माध्यमातून समाधानकारक उत्तरे देत onscreen मूल्यमापन कसे करावे यासंदर्भात मार्गदर्शन केले.
या कार्यशाळेसाठी व्यासपीठावर उपस्थित महाविद्यालयाचे प्राचार्य डॉ. शिवाजी गायकवाड, प्रस्तुत विद्यापीठातील विशेष कार्यकारी अधिकारी डॉ. दिगंबर नेटके, महाविद्यालयाच्या उपप्राचार्य डॉ. अंजली जोशी, IQAC समन्वयक डॉ. संतोष पाटील, D-cap प्रमुख डॉ.अंकुशकुमार चव्हाण आणि सुशीलादेवी महाविद्यालयाच्या प्राचार्य डॉ. आशा मुंडे यांची प्रमुख उपस्थिती होती. कार्यशाळेचे प्रस्ताविक डॉ.अंकुशकुमार चव्हाण यांनी केले. सूत्रसंचालन प्रा. राजकुमार मोरे यांनी तर आभार प्रा.अंगद भुरे यांनी मानले. या कार्यशाळेसाठी वेगवेगळ्या महाविद्यालयातून प्राचार्य, प्राध्यापक उपस्थित होते.