आमदार प्रिमिअम लीग क्रिकेट स्पर्धेचा युवा नेते ऋषिकेश कराड यांच्या हस्ते शुभारंभ

लातूर दि.०५- भारतीय जनता पार्टी समसापूरच्या वतीने आयोजित करण्यात आलेल्या आमदार प्रिमिअम क्रिकेट स्पर्धेचा शुभारंभ भारतीय जनता युवा मोर्चाचे प्रदेश सचिव युवा नेते ऋषिकेशदादा रमेशआप्पा कराड यांच्या शुभहस्ते रेणापूर तालुक्यातील मौजे समसापूर येथे मंगळवारी दुपारी मोठ्या उत्साहाच्या वातावरणात झाले.

या क्रिकेट स्पर्धेत रेणापूर तालुक्यातील जवळपास आठ संघाने सहभाग घेतला असून यशस्वी संघांना प्रत्येकी प्रथम ५१ हजार, द्वितीय ३१ हजार, तृतीय २१ हजार आणि चतुर्थ ११ हजार रुपये व इतर वैयक्तिक पारितोषिक देण्यात येणार आहेत. सदरील स्पर्धेचा शुभारंभ समसापूर येथे मोठ्या उत्साहाच्या वातावरणात ऋषिकेशदादा कराड यांच्या हस्ते करण्यात आला. यावेळी भाजपाचे तालुकाध्यक्ष दशरथ सरवदे, युवा मोर्चाचे तालुकाध्यक्ष अमर चव्हाण, भाजपाचे महादेव घुले, लिंबराज चव्हाण, विजय चव्हाण, मदन चौधरी, डॉ. परमेश्वर जाधव, नरेश चपटे, उत्तम चव्हाण, वसंत फुलसे, मच्छिंद्र चक्रे यांच्यासह अनेकांची उपस्थिती होती. उपस्थित मान्यवरांचे स्वागत स्पर्धा संयोजन समितीचे युवराज मुरकुटे, खंडू शिंदे, गौतम अंधारे, विजय मुरकुटे, राम पडवळ, ईश्वर घोडके, पंकज काळे यांच्यासह अनेकांनी केले. उद्घाटन समारंभास विविध संघातील खेळाडू सह क्रिकेट प्रेमी तरुण मोठ्या संख्येने उपस्थित होते.